Fuq talba ta’ Alternattiva Demokratika, matul il-ġimghat li għaddew saru diskussjonijiet bejn AD u PD biex ikun esplorat il-mod kif jista’ jkun hemm kooperazzjoni bejn iż-żewġ partiti. Saru diversi laqgħat.

Kien konkluż li għalkemm mhux il-mument opportun li jkunu formalizzati r-relazzjonijiet bejn iż-żewg partiti hi rikonoxxuta l-ħtieġa li jkunu kkoordinati l-isforzi politiċi biex ikun possibbli li nservu lill-pajjiż bl-aħjar mod possibbli.